 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Дзень замкнуўся колам
З гоманам лясоў,
I з далёкім, кволым
Гулам галасоў.
А ля поля пенай
Белая імгла
Доле па калена
Ў хвойніку лягла.
Здаля выглядае
Ўсё на любату -
Быццам маладая
Скінула фату.
А бліжэй - з калючак
Выпаўзае золь.
На душы балюча
Муляе мазоль.
Сёньня я закуты
Холадам тугі
Ў кайданы пакуты,
Ў болю ланцугі.
I хада цяжкая...
Божа, памажы!
Кветкі я шукаю
З сонечнай мяжы.
Я шукаю слова,
Каб яно было
Зельлем і замовай
На людзкое зло.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
